Minyhantsjes
Minyhantsjes
minyfuotsjes
minymûltsje
minynoas
grut is 't lok
in maksywûnder
poppeslokje
tsjoch en proast!
Geboortegedichten – pagina 128
Njoggen moanne ien
Njoggen moanne ien
no ús leave poppe
omearme yn leafde
No kinne wy it allegear mar leare
No kinne wy it allegear mar leare
de fleskes en de pempers en it bad,
in waarme krúk, de lekkentsjes opteare
fruithapkes, boerkes litte, dat is dat!
Aanst sille wy dy tûzen ferskes leare,
wy krûpe rolleboljend oer de flier.
Do silst al gau dyn earste wurdsjes sizze,
eart lekker koese, 't is noch net sa fier.
Sa lyts al
Sa lyts al
byld fan God
bisto foar ús
himel op ierde.
Sa lyts
Sa lyts
sa tear
unyk
en safolle mear
Sa no en dan
Sa no en dan
fljocht der in ingeltsje
nei de ierde.
De wolken binne rôze
it gers is blau,
oeral sweve ballonnen, oeral.
De hiele wide wrâld
leit iepen...
Nij libben
Nij libben
noch finzen
yn lytse lûden
mar fannijs
belibje wy
it wûnder.
Dach leave lytse poppe wiest der al
Dach leave lytse poppe wiest der al?
Wat hawwe wy in skoft op dy wachte,
dyn widze stiet al klear.
Sjoch, op it fuottenein
sit de leafste koesbear
fan dyn grutte suske/broerke
De iene sei:
De iene sei: ús poppe wurdt in jonkje
De oare sei: in famke dat is wis
De iene sei: hy liket grif op pake
De oare sei: op beppe, sûnder mis
De iene sei: wat sil er wille meitsje
De oare sei: se dûnset as in swel
De iene sei: ús bern dat wurdt in wûnder
De oare sei: ik twifelje gjin tel!
De loft reint willetriennen
De loft reint willetriennen
bûnte blommen bloeie fris fan kleur.
De sinne pronket gouden strielen
en wy binne mei ús [---] alhiel yn 'e fleur
Onder de cadeautips staan nog 5 gedichten.
Do bist sa lyts sa leaf
Do bist sa lyts sa leaf
wy fine dy in wûnder,
no ‘tsto sa ticht by ús bist
wurdt alles hiel bysûnder.
Doest noch nearne wiest
Doest noch nearne wiest
dreamden wy al fan dy.
In bern fan ús tegearre
de hiele wrâld waard nij!
Do makkest de wrâld sa ljocht
Do makkest de wrâld sa ljocht,
sjochst wol hoe't de sinne laket?
Hark, yn 'e fierte spilet de fanfare,
minsken dûnsje op 'e dyk en roppe:
Hoera - hoera foar de lytse poppe!
In wûnder yn 'e widze
In wûnder yn 'e widze
te moai om wier te wezen,
lekkentsjes mei kant,
reade wyn yn glêzen.
Wy sjogge ús de eagen út
wol tûzen kear opnij
do bist ús eigen berntsje
wat binne wy wiis mei dy.
It liket by ús mar wakker skoan
It liket by ús mar wakker skoan
de flagge hinget út,
mei ballontsjes der oan.
Rôze of blau?
Jimme meie it witte
ús famke/jonkje sil [---] hjitte.