De lytsten binne by Jo brocht
Jo leafde hat se ryk betocht
Jo ha de earmen om har slein
en tsjin de grutte minsken sein
O minsken lit de berntsjes frij
fan alle kanten gean ta My
en kear se net, want earm of ryk,
foar sokken is it himelryk.
Dêr bist dan
it libben kin begjinne!
Juster noch yn it tsjuster
hjoed yn 't folle ljocht,
wy tankje de Skepper
dy 't ús sa ryk betocht.
Dit libben,
sa pril.
Dit berntsje,
sa wolkom.
Hiel unyk,
hiel bysûnder.
Us lyts leaf famke/jonkje,
God wat in wûnder.
Do bist in bern as elkenien,
foar ús bist hiel bysûnder.
Yn wezen bisto hiel unyk
do bist gewoan in wûnder.
In stille winsk
waard in langstme nei dy.
Lyts minske
do hast hoop
yn lok feroare.
Leave lytse poppe
wolkom yn 'e wrâld fan hjoed,
dyn eagen litte ús leauwe:
ea komt alles goed.
Lyts en tear as fyn porslein
is ús [---] yn 'e widze lein.
Wy fiele bliidskip yn ús hert
want grutter wûnder is der net.
Lyts trappeljend libben
In prachtich minskje, fonkelnij
Ademloas, nijsgjirrich
Ferwolkomje wy dy
No ‘tsto berne bist
kinne wy mar net ophâlde
nei dy te sjen.
Do bist sa moai
sa leaf
sa lyts.
Sokke leave hantsjes
dyn fingerkes
sykje om hâldfêst.
No ‘tsto berne bist
kinne wy mar net ophâlde
fan dy te hâlden
Oan 'e kant
oan 'e kant
ik wol der ek graach by!
Hallo - hallo
hjir bin ik dan!
Wat fynst fan my?
Onder de cadeautips staan nog 5 gedichten.
Om ferwûndere nei te sjen
ús út leafde berne bern
kommen as elkenien
unyk as gjin oar
Tichteby
wiest noch sa fier.
No by ús
in earm fol lok.
Twa lytse fuotsjes
dy fuotballen omraak.
Twa lytse hantsjes
dy klapten withoefaak.
Wat wiest in droktemakker
dyn mem dy waard hast sljocht,
ús eigen lytse [--]
einliks kaamst foar 't ljocht!
Út 'e skulp
fan 't wetterwidske
makkest dy frij
en ús ryk:
pearelpoppe.
In foutsje, in hantsje
do bist ús lyts leaf mantsje
Ús bloedeigen soan
wat hawwe wy in soad foar dy oer hân
Njoggen moanne yn ’e búk
No leist dêr tsjin dyn waarme krúk
Wy kinne it noch hieltyd net leauwe
Wy sille altyd fan dy hâlden bliuwe