In nij libben
in grut wûnder
út leafde berne
oan ús tabetroud
Friese geboortegedichtjes – pagina 4
Wy binne hjoed
bliid en ferwûndere
want Hy joech ús
it grutste geskink:
in nij libben
Bist al wekker, leave? seit it ljocht
Wês wolkom, seit it libben
Beammen wiuwe in groetnis
Fûgels fluitsje dyn namme
O bern, wy binne wer bern mei dy
stap foar stap gean wy mei dy op 'en paad
Bern do joust ús betrouwen
O, datst uzes wêze meist
wat in rykdom
Dyn libben dat ús fan 't begjin ôf sa boeide
It lok dat stadich groeide
Wy wolle dy al safolle sizze
No 't wy dyn hantsjes yn ús hannen lizze
Do bist yn leafde oan ús tabetroud
Hy is it dy 't dy ús yn hannen jout
Hieltyd ha wy oan dy tocht
mei spanning dy ferwachte
Us ferwûndere, mar ek stilstien
by it tinken of alles goed gean soe
No bist der, in wûnder
unyk, en foar ús sa bysûnder
Wy binne God tankber foar dyn libben
want fia ús hat Hy dy foarm jûn
Út leafde berne
tankje wy God
datsto leave...
tenei by ús hearre meist
Stil wêze en belibje
in minske
in bern
in nij libben
dierber en sa bysûnder
in grut Godswûnder
Wat in wûnder
in hertsje dat kloppet
in berntsje dat libbet
in kostber geskink
dat allinnich God ús
op Syn tiid jûn hat
Leafde is in wûnder
Sjoch mar wat it docht
Nea kinne wy mear sûnder
Do bist ús gelok en ús ljocht
Leaf lyts berntsje
tear en bysûnder
bist foar ús in
hiel grut wûnder
Sjoch in nij libben
en betink...
gjin minske kin ús dit jaan
it is in Godsgeskink
Wolkom jonkje/famke
op dizze wrâld
wolkom jonkje/famke
kom d'r by
want op dizze grutte ierde
is ek in plakje foar dy
Berte: fan it libben it begjin
in barren, dat nea gewoan wurde kin
In berntsje sa lyts, sa bysûnder
op 'e nij binne wy tankber foar dit wûnder
Safolle leafde yn dit wûnder
Safolle lok troch Him oan ús jûn
Safolle blydskip om 'n berntsje sa lyts
Safolle moais om tankber foar te wêzen
Do waardst op 'e wrâld brocht
hiel lyts, kwetsber en sêft
do sykhellest, do gûlst en libbest
hoe grut is Hy dy 't ús dat jout