Út ús leafde
Út ús dreamen
Út Gods hannen
Bisto kaam
Geboortegedichten – pagina 4
Lyts berntsje
grut wûnder
Gods glimk
ús lok
Lyts trappeljend libben
In prachtich minskje fonkenij
Ademloas, nijsgjirrich
Ferwolkomje wy dy
In lyts wûnder
Samar yn ús hannen
Myn mem har liif is wer slonken
En no sitte hja mei my foar de skonken
Dus meitsje jimme mar klear
Want fan my hearre jimme noch folle mear
Wat in stik bûter yn 'e brij
wy hawwe der in jonkje/famke by!
Diel mei ús dit grutte lok
kom gau om in poppeslok.
Út ús
fan ús
en dochs
sa fansels
dysels.
Warleas en tear
kaamst foar 't ljocht
út dyn weagjende
skûlplak wei
Wy binn' sa wiis mei dy
Barre der noch wûnders, wurdt it lok noch fûn?
Do mei dyn teare lytse lûden hast ús it antwurd
jûn.
Bern, libje!
Mar sjoch troch alles hinne
dat teken fan trou: ik lit dy nea allinne
Dyn takomst is no krekt begûn
ek al hast al in stikje ferline.
Berte, it makket warm,
it makket kâld,
it rekket jong,
it rekket âld,
it bliuwt in wûnder
yn ’e wrâld
Lytse holle yn myn hannen
minskebern nei moarn op wei
'k wol dy noedzje
op dy passe elke dei
mar groeie silsto, ús foarby
yn tiid en yn ferstân
bliuw derby fan ien ding wis:
skrean bist yn 'e palm fan Syn hân
Dyn mem hat reade wangen
dyn heit springt yn 'e loft
dyn beppe is út de skroeven
dyn pake dy hâldt skoft.
Dyn broerke rint te sjongen
dyn suske laket blier
do bist ús nije poppe
einlings is 't sa fier!
Fan stille streamen dreaun yn heinende
hannen; lyts libben, folslein minske.
Hjir ha wy lang op wachte
einlings is it dan sa fier.
It lytse wûnder yn it widske
en dyn namme op papier.