Elts nij libben
is in nij wûnder
wat sûnder God
net barre koe
Friese geboortegedichtjes – pagina 2
Tige lyts en dochs hiel grut
sa jong en dochs folslein
It bliuwt in ivich wûnder
'n wûnder sûnder ein...
Berte... is as in dize yn 'e iere moarn
hoeden siket it in wei
Ynienen brekt de sinne troch
en begiint in nije dei
Sa steane wy by 't widske fan ús bern
stil nei dit Godsgeskink te sjen
It is gjin dream mar wurklikheid
Dit wûnder dat op 't kessen leit
Lyts en fyn, de wrâld leit foar dy iepen
Berne út leafde, kostberder as goud in leaf
lyts famke oan ús tabetroud
Foar in twilling
Twa oesters yn 't liif
Twa pearels yn 'e widze
Noch stil fan 't bertewûnder
sjogge wei nei ús berntsje, sa bysûnder
Dat har libben wêze mei as de sinne
mei waarmte, lok en leafde om har hinne
Om stil fan te wurden
om ferwûndere nei te sjen
in kostber stikje libben
wy tankje Him dat it kin
In nij libben
in grut wûnder
út leafde berne
oan ús tabetroud
Út leafde berne
tankje wy God
datsto leave...
tenei by ús hearre meist
Leafde is in wûnder
Sjoch mar wat it docht
Nea kinne wy mear sûnder
Do bist ús gelok en ús ljocht
Leaf lyts berntsje
tear en bysûnder
bist foar ús in
hiel grut wûnder
Sjoch in nij libben
en betink...
gjin minske kin ús dit jaan
it is in Godsgeskink
Berte: fan it libben it begjin
in barren, dat nea gewoan wurde kin
In berntsje sa lyts, sa bysûnder
op 'e nij binne wy tankber foar dit wûnder
Safolle leafde yn dit wûnder
Safolle lok troch Him oan ús jûn
Safolle blydskip om 'n berntsje sa lyts
Safolle moais om tankber foar te wêzen