Friese Geboortegedichtjes

Dach leave lytse poppe wiest der al?
Wat hawwe wy in skoft op dy wachte,
dyn widze stiet al klear.
Sjoch, op it fuottenein
sit de leafste koesbear
fan dyn grutte suske/broerke

 

De iene sei: ús poppe wurdt in jonkje
De oare sei: in famke dat is wis
De iene sei: hy liket grif op pake
De oare sei: op beppe, sûnder mis
De iene sei: wat sil er wille meitsje
De oare sei: se dûnset as in swel
De iene sei: ús bern dat wurdt in wûnder
De oare sei: ik twifelje gjin tel!

 

De loft reint willetriennen
bûnte blommen bloeie fris fan kleur.
De sinne pronket gouden strielen
en wy binne mei ús [---] alhiel yn 'e fleur

 

Do bist sa lyts sa leaf
wy fine dy in wûnder,
no ‘tsto sa ticht by ús bist
wurdt alles hiel bysûnder.

 

Doest noch nearne wiest
dreamden wy al fan dy.
In bern fan ús tegearre
de hiele wrâld waard nij!

 

Do makkest de wrâld sa ljocht,
sjochst wol hoe't de sinne laket?
Hark, yn 'e fierte spilet de fanfare,
minsken dûnsje op 'e dyk en roppe:
Hoera - hoera foar de lytse poppe!

 

In wûnder yn 'e widze
te moai om wier te wezen,
lekkentsjes mei kant,
reade wyn yn glêzen.
Wy sjogge ús de eagen út
wol tûzen kear opnij
do bist ús eigen berntsje
wat binne wy wiis mei dy.

 

It liket by ús mar wakker skoan
de flagge hinget út,
mei ballontsjes der oan.
Rôze of blau?
Jimme meie it witte
ús famke/jonkje sil [---] hjitte.

 

Jou oan har/him Jo segen, Hear,
en lit har/him libje ta Jo ear,
ús bern, as fûgels wif en faai,
wol om har/him tinke eltse dei.

Ien/twa/trije ha wy no op 'e noed
bewarje har/him foar ûnk en tsjoed,
dat alles, Heare jou gehoar,
liedt ta Jo, yn geanber spoar.

In nije leat oan de stamme,
int oan d' âlde staach
wolkom bern, hear dyn namme,
skik teplak yn eigen laach.

Dyn libbenswei begjint,
hoe lang en wêr hinne?
Nimmen wit hoe 't dyn reis ferrint.
Hâld hoek, bist net allinne.

 

Om stil fan te wurden,
om ferwûndere nei te sjen
Dit nije, kostbere libben
oan ús tabertoud
út leafde berne bern

 

Pakes, beppen, freonen, sibben
yn it widske leit in nij libben.
Wy wolle it fan de dakken roppe:
wy ha in leave, lytse poppe!

 

Sa gewoan
en dochs bysûnder
it is en bliuwt
in hiel grut wûnder

 

Sjoch, ien foar ien
driuwe rôze wolken
in blauwe himel temjitte.

Dêr boppe is it ljocht.

 

Strielje as klear sinneskyn
mei dyn bliere eachjes it libben yn
bring freonskip, leafde en nocht
dat elk bliid wurdt dy’t dy sjocht

 

Twa bliere eachjes
in mûltsje dat ropt
Hantsjes dy't gripe
in fuotsje dat skopt

 

Tank foar dit wûnder
sa lyts en sa tear
God is de makker
oan Jo is alle ear

 

Wolkom berntsje op 'e wrâld
wolkom, jonkje/famke kom der by,
want op dizze grutte ierde
is ek in plakje foar dy.
It boadskip fan dyn berte
giet de ierde rûn
ja, elk mei it wol witte,
ús famke is blieren sûn.

 

-foar in twilling-
Yn elke earm in bern
4 hantsjes - 4 fuotsjes
alles der op en der oan!
Dit is in mirakel,
dit is net gewoan!

 

In pear eachjes sjogge dy oan
In pear hantsjes gripe nei dyn hân
In leaf lyts famke/jonkje kosberder as goud
In twadde berntsje oan ús tabetroud

 

Berne om in minske te wêzen
hjir op dizze ierde
Berne om Gods winsk te wêzen
en wy meie dy liede

 

In nij libben, in nije wrâld
wy hawwe in lytse poppe!

 

It rekket jong
It rekket âld
It is en bliuwt
In wûnder yn ‘e wrâld

 

Ús [--broerke/suske] duorre it te lang
Wêr wie har nije boarter dan?
No bist dan dochs kommen
En sûn en wol út mem har búk wei klommen